اسلام آباد۔6جون (اے پی پی):پاکستان نے عالمی برادری پر زور دیا ہے کہ وہ موسمیاتی تبدیلیوں اور ماحولیاتی مسائل سے نمٹنے کے لئے سیاسی وعدوں کو حقیقت میں بدلنے کیلئے ٹھوس اقدامات کریں۔اتوار کو ترجمان دفتر خارجہ نے کہا کہ ہم موسمیاتی تبدیلیوں کے بحران سے نمٹنے ، حیاتیاتی تنوع کے تحفظ اور ماحولیاتی نظام کی بحالی کے لئے اپنا بھر پور کردار ادا کرنے کے عزم کا اعادہ کرتے ہیں۔5 جون کو عالمی یوم ماحولیات 2021 کے موقع پر پاکستان بطور میزبان عالمی برادری کی کاوشوں میں شامل تھا۔
ترجمان نے کہا کہ گذشتہ چار دہائیوں سے دنیا ماحولیاتی چیلنجوں کے خاتمہ کے بارے میں عوام میں شعور اجاگر کرنے کے لئے اس دن کو سب سے بڑے عالمی پلیٹ فارم کے طور پر استعمال کیا جا رہا ہے۔پاکستان سب سے زیادہ دس ماحولیاتی خطرات سے دوچار ممالک میں سے ایک ملک ہے۔ پاکستان آب و ہوا کی تبدیلی کے خاتمہ اور حیاتیاتی تنوع کے نقصان کے خاتمہ ، آلودگی کے خاتمے اور ماحولیاتی نظام کی بحالی کی عالمی کوششوں کی بہت قدر کرتا ہے۔
ترجمان نے کہا پاکستان جیسے ترقی پذیر ممالک ترقی یافتہ ملکوں کے شراکتداروں کے بغیر عمل درآمد کے ذرائع: گرین فنانس ، ٹکنالوجی ٹرانسفر ، اور صلاحیت سازی کی تشکیل کیلئے خاطر خاطر خواہ۔ اقدامات اکیلے نہیں کر سکتے۔ماحولیاتی نظام کی بحالی” کے موضوع پر عالمی یوم ماحولیات 2021 کی تقریبات کو وزیر اعظم عمران خان کے گرین ویژن کے ساتھ مکمل طور پر منسلک کیا گیا ، جیسا کہ پاکستان کے پرچم بردارماحولیاتی نظام کی بحالی کے اقدام” میں ظاہر ہوتا ہے۔اس سال کے عالمی یوم ماحولیات کو ایک خاص اہمیت ہے کیونکہ اس میں "اقوام متحدہ کے ماحولیاتی نظام کی بحالی 2021-2030” کے پروگرام کا باقاعدہ آغاز بھی ہوا ہے۔
پاکستان کی میزبانی ایک صاف ستھری اور ماحولیاتی ایجنڈے کے ذریعہ ملک میں متعدد اقدامات پر مشتمل ماحولیاتی ایجنڈے کے ذریعے "صاف اور سبز” انقلاب کی طرف ملک کی تیز منتقلی کا اعتراف ہے۔پاکستان اپنے جنگلات کو وسعت اور بحالی کے لئے پہلے ہی دنیا کی ایک سب سے پُرجوش اور بڑی کوشش کر رہا ہے اس نے اپنے 10 ارب درخت سونامی منصوبے کے حصے کے طور پر پہلے ہی ایک ارب درخت لگائے ہیں۔ترجمان نے مزید کہا گرین فیوچر کی تلاش میں پاکستان نے 2030 تک ہماری توانائی کا 60 فیصد حصہ شفاف توانائی پر مشتمل ہو گا اور سڑک کی نقل و حمل میں برقی گاڑیوں کی شرح 30 فیصد تک بڑھانے کی پالیسیاں مرتب کی ہیں۔
