میکسیکو سٹی ۔ 26 مارچ (اے پی پی) مونٹریری اوپن ٹینس ٹورنامنٹ کا گیارہواں ایڈیشن یکم اپریل سے میکسیکو میں شروع ہوگا۔ تفصیلات کے مطابق ٹورنامنٹ کے کامیاب انعقاد کے لئے تیاریاں عروج پر ہیں۔ ٹورنامنٹ میں دنیائے ٹینس کی نامور کھلاڑی ایکشن میں نظر آئینگی۔ ڈبلیو ٹی اے ایونٹ میں ہسپانوی ٹینس کھلاڑی گاربین موگوروزا ویمنز سنگلز مقابلوں میں اپنے اعزاز کا دفاع کرینگی۔ ٹورنامنٹ ہارڈ کورٹ پر کھیلا جائے گا۔ ٹورنامنٹ کے لئے اڑھائی لاکھ امریکی ڈالرز کی انعامی رقم مختص کی گئی ہے۔ یکم اپریل سے شروع ہونے والا یہ ایونٹ 7 اپریل کو اختتام پذیر ہوگا۔
