مون سون بارشوں کے حوالے مختلف پلان تیار کر رہے ہیں، ڈپٹی کمشنر اسلام آباد

اسلام آباد۔3جولائی (اے پی پی):ڈپٹی کمشنر اسلام آباد عرفان نواز میمن نے کہا ہے کہ مون سون بارشوں کے حوالے مختلف سرگرمیاں پلان کر رہے ہیں، سب سے پہلے پری مون سون پلان کے تحت نالوں کی صفائی مکمل کی گئی ہے، تمام محکموں کے ساتھ میٹنگ ہو چکی ہے، تمام ایریاز کی سرویلنس کر لی گئی ہے۔

اپنے ایک بیان میں انہوں نے کہا کہ مون سون بارشوں کی پیش نظر ہر وہ مشینری تیار ہے جو شہر کو صاف کرنے میں کام آئے گی، رورل ایریاز اور بالخصوص نشینی ایریاز میں بھی مشینری کو پہنچا دیا گیا ہے، شدید بارش کی صورت میں ایسے تمام ایریاز میں ایس او پیز پر عمل درآمد ہوگا۔

ڈی سی اسلام آباد نے کہا کہ بارش کے دوران ہماری ریسکیو ٹیمیں جن کے پاس ڈی وارٹنگ سیٹس موجود ہونگے وہ فیلڈ میں موجود ہونگی ، اگر کسی کے بیسمنٹ میں پانی آگیا ہے تو وہ ون فائیو یا ون سکس پر کال کرے گا ، ٹیم فوراً ریسپانس دیتے ہوئے موقع پر پہنچے گی۔

انہوں نے کہا کہ گزشتہ سال جن ایریاز میں پانی زیادہ کھڑا ہوا وہاں کی مانیٹرنگ کی جا رہی ہے، تمام محکموں کے ساتھ میٹنگ ہو چکی ہے، تمام ایریاز کی سرویلنس کر لی گئی ہے، ای الیون میں ہونے والے گزشتہ سال کے واقعہ کی وجہ سے ایسے ایریاز مارک کیے گئے ہیں۔ انہوں نے کہا کہ سی ڈی اے کا ماحولیاتی ونگ عملی طور پر آن روڈ موجود ہوگا ، اگر کوئی درخت گرتا ہے تو اسی وقت کارروائی کی جائے گی۔

Short Link: https://urdu.app.com.pk/urdu/?p=481254