مکار دشمن نے پاکستان پر بزدلانہ حملہ کیا ہے،بھرپور جواب دیا جا رہا ہے،دشمن کو اپنے مذ موم مقاصد میں کبھی کامیاب نہیں ہونے دیں گے، وزیرِاعظم شہباز شریف

اسلام آباد۔7مئی (اے پی پی):وزیرِاعظم محمد شہباز شریف نے کہا ہے کہ مکار دشمن نے پاکستان کے پانچ مقامات پر بزدلانہ حملہ کیا ہے، پاکستان بھارت کی مسلط کردہ اس جنگی عمل کا بھرپور جواب دینے کا پورا حق رکھتا ہے اور بھرپور جواب دیا جا رہا ہے،دشمن کو اپنے مذموم مقاصد میں کبھی کامیاب نہیں ہونے دیں گے۔ منگل اور بدھ کی درمیانی شب موجودہ صورتحال پر اپنے بیان میں وزیرِ اعظم محمد شہباز شریف نے کہا کہ پوری قوم افواج پاکستان کے ساتھ ہے اور پوری پاکستانی قوم کا مورال اور جذبہ بلند ہے۔ وزیرِاعظم نے کہا کہ پاکستانی قوم اور افواج پاکستان دشمن سے نبٹنا بخوبی جانتے ہیں، دشمن کو اپنے مذموم مقاصد میں کبھی کامیاب نہیں ہونے دیں گے۔

Short Link: https://urdu.app.com.pk/urdu/?p=593672