مکہ مکرمہ ۔ 16 جولائی (اے پی پی) مکرمہ میونسپلٹی نے اس عزم کا اظہار کیا ہے کہ نابیناﺅں کے لیے شہر کی سڑکوں پر الگ ٹریک بنائے جائیں گے تاکہ بنیائی سے محروم افراد کسی کی مدد کے بغیر بلا خوف و خطر چل سکیں۔ مکہ اخبار نے اس حوالے سے تفصیلات دیتے ہوئے بتایا کہ مکہ میونسپلٹی کئی سڑکوں کو جدید خطوط پر استوار کرے گی اور اس حوالے سے سڑکوں کے نئے ڈیزائن تیار کر لیے گئے ہیں جن میں معذوروں کی ضروریات کا خیال رکھا گیا ہے۔بلدیہ مکہ نے یہ بھی بتایا ہے کہ شہر کی سڑکوں کے ڈیزائن نئے طرز کے ہوں گے، فٹ پاتھ مخصوص طرز کے ہوں گے جہاں معذور ، بوڑھے یا بچے ان پر چڑھنے یا اترنے میں کسی قسم کی کوئی دشواری محسوس نہیں کریں گے۔
