مظفرگڑھ۔ 06 نومبر (اے پی پی):چیف انجینئرپلائنگ اینڈانجینئرنگ میپکو (پی اینڈای) سرکل مانیٹرکی سربراہی میں اورسپرنٹنڈنگ انجینئرمیپکو سرکل کی نگرانی میں میپکو سرکل مظفرگڑھ میں بجلی چوروں کے خلاف گرینڈ آپریشن اورمیپکو نادہندگان کے خلاف مہم تیزی سے جاری ہے۔
ترجمان میپکو کے مطابق مظفرگڑھ، کوٹ ادو، لیہ، علی پوراورمیپکوڈویژن خان گڑھ میں آپریشن کے دوران 07 ستمبر سے04 نومبرتک انسداد بجلی چوری مہم کے دوران1045 بجلی چور رنگے ہاتھوں بجلی چوری کرتے ہوئے پکڑے گئے،میپکو سرکل مظفر گڑھ میں مجموعی طورپر 06 کروڑ 05 لاکھ 97ہزار 06سو97 روپے سے زائد جرمانے عائد کئے گئے،
جن میں سے میپکو سرکل مظفر گڑھ میں مجموعی طورپر 04 کروڑ 55 لاکھ 48 ہزار07 سو97 روپے سےزائدکی رقم وصول کی جاچکی ہے،میپکو سرکل مظفر گڑھ میں 1045بجلی چوروں کے خلاف ایف آئی آرکے استغاثے بھی متعلقہ تھانوں میں بھجوائے گئے ہیں،جن میں سے 1033 بجلی چوروں کے خلاف مقدمات کا اندراج ہو چکا ہے،جبکہ 647 بجلی چوروں کو میپکو سرکل مظفرگڑھ کی ٹیموں نے پولیس کے ہمراہ جاری آپریشن کے دوران گرفتار کیا ہے،میپکو سرکل مظفر گڑھ میں 998 گھریلو صارف بجلی چوری میں ملوث پائے گئے،جبکہ38 کمرشل، 06 ٹیوب ویل اور03 صنعتی یونٹ بجلی چوری کرتے ہوئے پکڑے گئے ہیں
