نائب وزیر اعظم و وزیر خارجہ اسحاق ڈار سہ فریقی وزرائے خارجہ اجلاس میں شرکت کیلئے کابل روانہ

اسلام آباد۔20اگست (اے پی پی):نائب وزیر اعظم و وزیر خارجہ اسحاق ڈار سہ فریقی وزرائے خارجہ اجلاس میں شرکت کیلئے کابل روانہ ہوگئے ہیں۔

بدھ کو دفتر خارجہ کی جانب سے جاری بیان کے مطابق پاکستان، چین اور افغانستان کے وزرائے خارجہ کا چھٹا سہ فریقی اجلاس آج کابل میں ہوگا، نائب وزیر اعظم کے ہمراہ افغانستان کے لیے خصوصی نمائندہ محمد صادق اور وزارتِ خارجہ کے سینئر حکام بھی ہوں گے۔

اجلاس میں تجارت، علاقائی روابط اور دہشت گردی کے خلاف تعاون پر بات چیت ہوگی،دورہ کے دوران اسحاق ڈار کی افغان نگران وزیر خارجہ سے دو طرفہ ملاقات بھی متوقع ہے۔