استنبول۔8جون (اے پی پی):نائب وزیر اعظم و وزیر خارجہ سینیٹر محمد اسحاق ڈار ڈی۔8 ممالک کے وزرائے خارجہ کے غیر معمولی اجلاس میں شرکت کیلئے کنونشن سینٹر پہنچ گئے۔
وزارت خارجہ کی جانب سے جاری پریس ریلیز کے مطابق نائب وزیر اعظم غزہ میں جاری نسل کشی، غیر مشروط فوری جنگ بندی اور فلسطینی عوام کیلئے انسانی بنیادوں پر امدادکی بحالی سمیت محاصرہ کے فوری خاتمہ کے حوالہ سے پاکستان کا موقف پیش کریں گے۔
وہ غزہ کے عوام کے خلاف کی جانے والی جنگ اور اسرائیلی قابض افواج کی طرف سے کیے جانے والے جنگی جرائم کے خاتمے کے لیے متحدہ بین الاقوامی کوششوں پر بھی زور دیں گے۔
