نائجیریا میں فرقہ وارانہ تشدد میں 55 افراد ہلاک

ابوجہ ۔ 22 اکتوبر (اے پی پی) نائجیریا کی شمالی ریاست کادونا میں گزشتہ چند روز سے جاری فرقہ وارانہ جھڑپوں میں55 افراد ہلاک ہوگئے۔ جرمن نشریاتی ادارے کے مطابق مقامی پولیس کمشنر احمد عبد الرحمان نے کہا ہے کہ یہ جھڑپیں کاسووان مغانی نامی علاقے کے دو مقامی قبائل کے درمیان ہوئیں۔ ان پرتشدد جھڑپوں میں ملوث ہونے کے شبے میں 22 افراد کو حراست میں لے لیا گیا ہے۔ حالات پر قابو پانے کے لیے ریاست کی جانب سے علاقے میں جمعرات سے کرفیو نافذ ہے۔

Short Link: https://urdu.app.com.pk/urdu/?p=118528