اسلام آباد۔31دسمبر (اے پی پی):نامور اردو شاعر الطاف حسین حالی کی برسی 31 دسمبر منگل کو منائی گئی ۔الطاف حسین حالی1837 کو پانی پت میں پیدا ہوئے انہوں نے بطور شاعر،نقاد،ادیب،سوانح نگار کی حیثیت سے بلند مقام حاصل کیا ، وہ مرزا غالب کے شاگر تھے۔
الطاف حسین حالی نے کئی مشہور نظمیں لکھیں انہوں نے سر سید احمد خان کی فرمائش پر ’’مسدس حالی ‘‘ لکھی ۔الطاف حسین حالی کو شمس العلما کا خطاب بھی ملا۔الطاف حسین کی شاعری،مضامین کی لاتعداد کتب شائع ہوئیں۔الطاف حسین حالی31دسمبر 1914ء کو انتقال کر گئے ۔
ان کی برسی کے موقع پر علمی و ادبی حلقوں کی جانب سے مختلف تقریبات کا انعقاد کیا گیااور ان کی خدمات پر انہیں خراج تحسین پیش کیاگیا۔
