نشے سے پاک پشاورمہم بڑا اقدام ہے، صدر پاکستان ہیومن رائٹس

پشاور۔ 21 اکتوبر (اے پی پی):صدر پاکستان ہیومن رائٹس پشاور واجد مومند نے کہا ہے کہ ہمارا مشن نشے سے پاک پشاور مہم بڑا اقدام ہے۔میڈیا سے گفتگو کرتے ہوئے انہوں نے کہاکہ پشاور کو نشے اور اس سے متاثرہ افراد سے پاک کرنے کا بیڑا اٹھا رکھا ہے اور یہ انسانیت کی سب سے بڑی خدمت ہے۔

انہوں نے کہاکہ ایک انسان کی جان بچانا پوری انسانیت کی جان بچانے کے مترادف ہے۔انہوں نے کہاکہ کسی کے اجاڑ گھر کو دوبارہ آباد کرنا رضائے الٰہی کا بڑا ذریعہ ہے،ہماری ٹیم کمشنر ریاض محسود کے ساتھ اس بڑے مشن میں کھڑی ہےیہ بھی انسانی حقوق کو بچانے کے مترادف ہےجس میں ہم بڑھ چڑھ کر کمشنر اور انکی ٹیم کا حوصلہ بڑھائیں گے۔

Short Link: https://urdu.app.com.pk/urdu/?p=515169