نواں شہر پولیس کی کارروائی، سنگین جرائم میں مطلوب ملزم گرفتار ،چوری شدہ گاڑی اور اسلحہ برآمد

ایبٹ آباد۔ 5 دسمبر (اے پی پی):ضلعی پولیس سربراہ ایبٹ آباد عمر طفیل کی ہدایات پر ایبٹ آباد پولیس کاجرائم پیشہ عناصر کے خلاف کریک ڈائون جاری ہے۔ تھانہ نواں شہر پولیس نے پولیس مقابلہ کے دوران سنگین نوعیت کے جرائم میں مطلوب ملزم کو گرفتار کر کے چوری شدہ گاڑی اور اسلحہ برآمد کر لیا۔

ملزم عمران عرف بلا منشیات فروشی، ڈکیتی اور کار لفٹنگ کے متعدد مقدمات میں پولیس کو مطلوب تھا۔ پولیس نے فائرنگ کے تبادلہ میں گولی لگنے سے زخمی ہونے والے ملزم کو گرفتار کر لیا،ملزم کے دیگر ساتھیوں کی تلاش جاری ہے۔ ابتدائی طور پر ملزم کے قبضہ سے تھانہ نواں شہر کی حدود الیاسی مسجد سے چوری شدہ گاڑی مہران اور پستول تیس بور معہ کارتوس برآمد کئے۔

Short Link: https://urdu.app.com.pk/urdu/?p=416730