نوروز مختلف ثقافتوں،مشترکہ روایات واقدار کو نمایا ں کرتا ہے،وزیراعلی پنجاب کاعالمی دن پرپیغام

لاہور۔20مارچ (اے پی پی):وزیراعلیٰ پنجاب مریم نوازنے نوروز کے عالمی دن پراپنے پیغام میں کہا کہ نوروز مختلف ثقافتوں، مشترکہ روایات اور اقدار کو نمایا ں کرتا ہے، نوروز ایسا تہوار ہے جو خاندانوں، برادریوں اور قوموں کے درمیان تعلقات کو مضبوط کرتا ہے۔

وزیراعلیٰ نے کہا کہ موسم بہار کی آمد پر دنیا بھر میں نوروز منانے والی سبھی اقوام کو مبارکباد پیش کرتے ہیں،ایران، افغانستان، تاجکستان، ترکمانستان، عراق، آذربائیجان اور پاکستان بھی نوروز کی خوشیوں میں شریک ہے۔وزیراعلیٰ مریم نوازنے کہا کہ امید اور خوشی نوروز کا آفاقی پیغام ہے، نوروز تجدید مسرت، امن اور خوشحالی کی عالمگیر خواہش کی عکاسی کرتا ہے۔

Short Link: https://urdu.app.com.pk/urdu/?p=574707