پشاور۔ 16 جولائی (اے پی پی):نویں محرم الحرام کے موقع پر ریسکیو1122 پشاور نے امام بارگاہ حسینیہ ہال صدر میں میں عزاداروں کے لیے میڈیکل کیمپ قائم کیا۔ریسکیو 1122 کی جانب سے جاری بیان کے مطابق میڈیکل کیمپ میں ایمبولینسز، میڈیکل بائیک، فائر بائیک،فائر ویکلز، الٹرین ویکل، ایمرجنسی میڈیکل ریسپانس یونٹ (بس) ضروری ادویات اور میڈیکل ٹیکنیشنز تعینات کیے گئے۔ریسکیو 1122 نے 120 سے زائد عزاداروں کو طبی امداد فراہم کیں،ریسکیو 1122 نے کم و بیش 6 عزاداروں کو ریسکیو ایمبولینس میں ہسپتال منتقل کیا۔
ڈائریکٹر جنرل ریسکیو 1122 ڈاکٹر آیاز خان،ریجنل ڈائریکٹر آپریشن (سینٹر ) ڈاکٹر میر عالم اور ڈسٹرکٹ ایمرجنسی آفیسر پشاور انجینئر نوید اختر نے تمام اقدامات کی خود نگرانی کی۔ریسکیو 1122 نے ماتمی جلوس کے ہمراہ 8 اہلکاروں پر مشتمل خصوصی میڈیکل ٹیم بھی تعینات کی ہے، عزاداروں کو خدمات فراہم کرنے کےلیے مرد اہلکاروں کے ہمراہ خواتین میڈیکل ٹیکنیشنز بھی تعینات کی گئیں۔
