سٹٹ گارٹ۔19جون (اے پی پی):نکلولا مکٹک اور میٹ پاویک پر مشتمل کروشین سیکنڈ سیڈ جوڑی نے سٹٹ گارٹ اوپن ٹینس ٹورنامنٹ کا مینز ڈبلز ٹائٹل جیت لیا۔ فاتح کروشین جوڑی نے مردوں کے ڈبلز مقابلوں کے فائنل میچ میں کیون کرویٹز اور ان کے ہم وطن جوڑی دار ٹم پٹز پر مشتمل میزبان فورتھ سیڈ جوڑی کو شکست دی۔
اے ٹی پی ٹور 250 ٹینس ٹورنامنٹ کے دلچسپ مقابلوں کا سلسلہ جرمنی کے شہرسٹٹ گارٹ میں جاری ہیں۔ مینز ڈبلز مقابلوں کے فائنل میں نکلولا مکٹک اور میٹ پاویک پر مشتمل کروشین سیکنڈ سیڈ جوڑی نے شاندار کھیل پیش کرتے ہوئے کیون کرویٹز اور ان کے ہم وطن جوڑی دار ٹم پٹز پر مشتمل میزبان فورتھ سیڈ جوڑی کو ٹائی بریک پر سٹریٹ سیٹس میں 6-7 (2-7)اور 3-6 سے کامیابی حاصل کر مینز ڈبلز ٹائٹل جیت لیا۔
