لاہور۔29دسمبر (اے پی پی):نگران وفاقی وزیر ریلوے شاہد اشرف تارڑ کی زیر صدارت و یڈیو لنک اجلاس جمعہ کے روز یہاں ریلوے ہیڈ کوارٹرز میں منعقد ہوا۔
اجلاس میں چیئرمین ریلوے مظہر علی شاہ، سی ای او اور سینئرافسران سمیت دیگر نے شرکت کی۔اس موقع پر فیصلہ کیا گیا کہ دو ماہ میں تمام ریلوے انجنوں کو ڈیجیٹیلائز اور آئندہ ماہ جنوری میں تمام ریلوے ہسپتالوں کو پبلک کیلئے کھول دیا جائے گا۔
وزیر ریلویز نے ہدایت کی کہ ہسپتالوں میں جدید ترین سہولیات لانے کے انتظامات کئے جائیں، دو ہفتے میں فیول کا استعمال فیول مینجمنٹ سسٹم پر منتقل کر دیا جائے اورتین ماہ میں ریلوے کالونیز کے تمام میٹر واپڈا کو شفٹ کئے جائیں۔
