اسلام آباد۔18ستمبر (اے پی پی):نگران وفاقی وزیر اطلاعات و نشریات مرتضیٰ سولنگی نے عدالت عظمیٰ کی ایک انتہائی اہم مقدمہ ”پریکٹس اینڈ پروسیجر ایکٹ“ کی طویل دورانیہ کی براہ راست نشریات عوام تک پہنچانے پر پی ٹی وی نیوز کی ٹیم کو مبارکباد پیش کی ہے۔
پیر کو اپنے ٹویٹ میں نگران وفاقی وزیر اطلاعات نے کہا کہ پاکستان کی تاریخ میں پہلی مرتبہ عدالت عظمیٰ کے ایک انتہائی اہم مقدمہ ”پریکٹس اینڈ پروسیجر ایکٹ“ کی طویل دورانیہ کی براہ راست نشریات کو پیشہ ورانہ انداز میں عوام تک پہنچایا گیا جس پر پی ٹی وی نیوز کی ٹیم تحسین کی مستحق ہے، مبارکباد قبول فرمائیے۔
