مونٹریال ۔7اگست (اے پی پی):جاپان کی نامور ٹینس سٹار اورچار گرینڈ سلام ٹائٹلز کی چیمپئن نائومی اوساکا اور وائلڈ کارڈ پرانٹری حاصل کرنے والی میزبان ٹینس کھلاڑی وکٹوریہ ایمبوکو اپنی پیش قدمی کو جاری رکھتے ہوئے ڈبلیو ٹی اے نیشنل بینک اوپن ٹینس ٹورنامنٹ میں خواتین کے سنگلز مقابلوں کے فائنل میں پہنچ گئیں جبکہ قازقستان کی نامور ٹینس سٹار ایلینا ریبا کینا خواتین کے سنگلز مقابلوں کے سیمی فائنل رائونڈ میں اپ سیٹ شکست کے بعد ایونٹ کے ویمنز سنگلز مقابلوں سے باہر ہوگئیں۔
27 سالہ جاپان کی نامور ٹینس سٹار اورچار گرینڈ سلام ٹائٹلز کی چیمپئن نائومی اوساکانے ویمنز سنگلز مقابلوں کے سیمی فائنل میچ میں ڈنمارک کی 22 سالہ ٹینس سٹار کلارااٹاسن کو 0-2 سیٹس سے شکست دی ۔ نیشنل بینک اوپن ٹینس ٹورنامنٹ کے کانٹے دار مقابلوں کا سلسلہ کینیڈا میں جاری ہے۔
آئی جی اے سٹیڈیم مونٹریال میں کھیلے گئے ویمنز سنگلز مقابلوں کے پہلے سیمی فائنل رائونڈ میچ میں جاپان کی نامور ٹینس سٹار اورچار گرینڈ سلام ٹائٹلز کی چیمپئن 27 سالہ نائومی اوساکانے شاندار کارکردگی کا مظاہرہ کرتے ہوئے ڈنمارک کی 22 سالہ ٹینس سٹار کلارااٹاسن کو ٹائی بریک پر سٹریٹ سیٹس میں2-6 اور 6-7(7-9)سے ہرا کر فائنل کے لئے کوالیفائی کیا،جہاں ان کا مقابلہ وائلڈ کارڈ پرانٹری حاصل کرنے والی میزبان ٹینس کھلاڑی وکٹوریہ ایمبوکو سے ہوگا۔
وائلڈ کارڈ پرانٹری حاصل کرنے والی کینیڈین ٹینس کھلاڑی وکٹوریہ ایمبوکو نے دوسرے سیمی فائنل میچ میں قازقستان کی نامور ٹینس سٹار ایلینا ریبا کینا کو 6-1، 5-7 اور 6-7(4-7)سے اپ سیٹ شکست دے کر فائنل کے لئے کوالیفائی کرلیا۔ میزبان ٹینس کھلاڑی وکٹوریہ ایمبوکو نے اس سے قبل چوتھے رائونڈ میں امریکی ٹاپ سیڈڈ کوکوگف کو بھی اپ سیٹ شکست سے دوچار کیاتھا۔
