سیالکوٹ۔22جنوری (اے پی پی):نیشنل پروڈکٹیوٹی آرگنائزیشن (این پی او) اور پنجاب انفارمیشن ٹیکنالوجی بورڈ (پی آئی ٹی بی) کے زیر اہتمام سیالکوٹ چیمبر آف کامرس اینڈ انڈسٹری (ایس سی سی آئی) میں جدت پر مبنی پیداواری پروگراموں اور اقدامات کے بارے میں ایک آگاہی سیشن منعقد ہوا۔
سیشن نے کاروباری شعبے میں پیداواری صلاحیت اور جدت کو بڑھانے کے لیے حکمت عملیوں پر روشنی ڈالی۔ تقریب کے دوران سیالکوٹ کی کاروباری برادری کے لیے تعاون کو فروغ دینے اور تکنیکی ترقی کی حمایت کے لیے پی آئی ٹی بی اور ای سی سی سی آئی کے درمیان مفاہمت کی ایک یادداشت پر دستخط کیے گئے۔
