اسلام آباد۔19مارچ (اے پی پی):نیشنل پریس کلب(این پی سی) اسلام آباد کے سالانہ انتخابات برائے سال 2025-26 میں صدر،سیکرٹری اور فنانس سیکرٹری کے بعد جرنلسٹ پینل نے ایگزیکٹو اور گورننگ باڈی کی تمام نشستیں جیت لیں۔ انتخابی نتائج کا اعلان الیکشن کمیٹی کے چیئرمین عاصم قدیر رانا نے کمیٹی کے دیگر ممبران زاہد فاروق ملک، ناصر نقوی،عبدالرزاق سیال،حمید اللہ عابداور اکرم عابد کے ہمراہ کیا۔
اعلان کردہ نتائج کے مطابق نائب صدور کی تین مرد اور ایک خاتون کی نشست کیلئے جرنلسٹ پینل کے احتشام الحق نے1207،سید ظفر حسین ہاشمی نے 1005 ، شاہ محمد نے 984 جبکہ سحر اسلم خان نے 1058ووٹ حاصل کرکے کامیابی سمیٹی۔ جوائنٹ سیکٹریز کی تین مرد اور اور ایک خاتون کی نشست کیلئے شیراز علی گردیزی نے 1271، سید عون شیرازی نے1257 ،چوہدری جاوید بھاگٹ 1079 جبکہ سحرش قریشی نے سب سے زیادہ 1343 ووٹ حاصل کرکے اپنی اپنی نشستیں جیت لیں۔
ایگزیکٹو باڈی کی طرح گورننگ باڈی کے انتخابات میں بھی جرنلسٹ پینل کے امیدوار چھائے رہے اور تمام پندرہ کی پندرہ مرد اور دو خواتین کی نشستیں جیت لیں۔ گورننگ باڈی میں کامیاب ہونے والوں میں عامر رفیق بٹ 1315،اظہار الحق خان نیازی 1205،احمد منصور1158، عاصم جیلانی 1146،بابر ملک 1115،محمد رضوان عباسی 1110،جعفر علی بلتی 1095،نوابزادہ خورشید 1070، شکیل اعوان 1049،محمد عثمان خان 1047،راجہ ماجد افسر 1037، تنویر شہزاد 1025، زین ہاشمی 1022،نوید احمد شیخ 997 ،مشکور علی 1089 جبکہ خواتین میں آسیہ کوثر 1090 اور فائزہ شاہ کاظمی 1079 شامل ہیں۔
Short Link: https://urdu.app.com.pk/urdu/?p=574367
