لاہور۔21مارچ (اے پی پی):نیشنل پولیس اکیڈمی کے زیر تربیت اے ایس پیزنے پنجاب سیف سٹیز اتھارٹی میں تربیت مکمل کرلی۔ پنجاب سیف سٹیز اتھارٹی میں 51 ویں کامن کے زیر تربیت اے ایس پیز کی تربیت کا عمل مکمل ہو گیا ہے۔ زیر تربیت افسران کو سیف سٹی میں جدید آرٹیفیشل انٹیلی جنس بیسڈ پولیسنگ، ورچوئل ویمن پولیس اسٹیشن اور چائلڈ سنٹر کی ورکنگ بارے تفصیلی بریفنگ دی گئی۔ اس موقع پر افسران کو ایمرجنسی پینک بٹن اور لاہور میں 130 مختلف مقامات پر فراہم کی جانے والی فری وائی فائی سروس کے منصوبے کے بارے میں بھی آگاہ کیا گیا۔
زیر تربیت افسران نے 15 ایمرجنسی کالز اور ان پر پولیس کے فوری رسپانس کے عمل کا مشاہدہ کیا۔ پنجاب سیف سٹیز اتھارٹی کے تمام یونٹس میں جاری کام اور خدمات کی عملی تربیت دی گئی، جس میں سیف سٹی کمپلینٹ پورٹل سروس، میڈیا مانیٹرنگ، ای چالاننگ اور دیگر جدید پولیسنگ اقدامات شامل تھے۔ اس موقع پر ایم ڈی سیف سٹیز اتھارٹی کا کہنا تھا کہ نوجوان افسران کی ٹیکنالوجی میں مہارت فورس کی کارکردگی کو مزید مو ثر بنائے گی۔ روایتی پولیسنگ کے طریقے اب متروک ہو چکے ہیں اور دنیا بھر میں آرٹیفیشل انٹیلیجنس کا استعمال جرائم کی روک تھام اور جدید پولیسنگ کے لیے کیا جا رہا ہے۔زیر تربیت افسران کا کہنا تھا کہ سیف سٹیز اتھارٹی کا تربیتی کورس جدید تفتیشی مہارتوں اور جرائم کے سدباب میں مو ثر ثابت ہو رہا ہے۔
Short Link: https://urdu.app.com.pk/urdu/?p=575206
