ویلنگٹن ۔ 20 مارچ (اے پی پی) نیوزی لینڈ میں مسلمانوں کے ساتھ اظہار یکجہتی کے لئے سرکاری ریڈیو اور ٹی وی پر آذان نشر کی جائے گی ۔ وزیراعظم جیسنڈرا آرڈرن نے میڈیا سے بات چیت کرتے ہوئے کہا کہ ہمارے عوام مسلمانوں کو بڑی قدر کی نگاہ سے دیکھتے ہیں، ہمیں مسلم کمیونٹی کے ساتھ پوری ہمدردی ہے اور آئندہ جمعہ کو نیوزی لینڈ کی قوم سانحہ کا ایک ہفتہ مکمل ہونے پر شہداءکے ساتھ اپنی مکمل یکجہتی کا اظہار کرتے ہوئے دو منٹ کی خاموشی بھی اختیار کرے گی ۔گزشتہ جمعہ کو کرائسٹ چرچ کی دومساجد میں آسٹریلوی دہشت گرد کی فائرنگ سے 50 مسلمان شہید اور متعدد زخمی ہو گئے تھے ۔
