ویلنگٹن ۔ 12 مارچ (اے پی پی) نیوزی لینڈ نے دوسرے کرکٹ ٹیسٹ میچ میں بنگلہ دیش کو اننگز اور 12 رنز سے ہرا دیا۔میزبان ٹیمکے بلے بازوں کے بعد بائولرز نے بھی عمدہ بائولنگ کا مظاہرہ کرتے ہوئے اپنی ٹیم کی فتح میں اہم کردار ادا کیا۔ میچ کے پانچویں اور آخری روز مہمان ٹیم کیویز اننگز کے سکور 432 رنز کے جواب میں اپنی دوسری اننگز میں 209 رنز بناکر آئوٹ ہوگئی۔ کپتان محمود اللہ 67 رنز بنا کر نمایاں بلے باز رہے۔ اس سے قبل ویلنگٹن ٹیسٹ میں بنگلہ دیشی ٹیم اپنی پہلی اننگز میں211 رنز بناسکی تھی۔ کیوی بائولرز شاندار بائولنگ کا مظاہرہ کرتے ہوئے میچ کے پانچویں اور آخری روز 56 ویں اوورز میں بنگلہ دیشی ٹیم کو ٹھکانے لگا دیا۔ نیل واگنر نے عمدہ بائولنگ کا مظاہرہ کرتے ہوئے 5 اور ٹرینٹ بولٹ نے 4 جبکہ ہنری نے ایک کھلاڑی کو پویلین کی راہ دکھائی۔ کیوی بلے باز روز ٹیلر کو میچ میں شاندار بلے بازی کا مظاہرہ کرنے پر میچ کا بہترین کھلاڑی قرار دیا گیا۔ منگل کو میچ کے پانچویں اور آخری روز بنگلہ دیشی ٹیم نے اپنی دوسری ادھوری اننگز 80 رنز 3 کھلاڑی آئوٹ پر دوبارہ شروع کی تو محمد متھن 25 اور سومیا سرکار 12 رنز پر کھیل رہے تھے۔
