نیوزی لینڈ کو پہلے ٹیسٹ میں شکست دیکر سیریز کا آغاز فتح سے کرینگے، سرفراز احمد

کرائسٹ چرچ۔ 14 نومبر (اے پی پی) پاکستان کی کرکٹ ٹیم کے مایہ ناز وکٹ کیپر بلے باز سرفراز احمد نے کہا ہے کہ نیوزی لینڈ کو پہلے ٹیسٹ میچ میں شکست دیکر سیریز کا آغاز فتح سے کرینگے۔ انہوں نے کہا کہ میزبان ٹیم کو شکست دینے کےلئے کھلاڑیوں کو کھیل کے تمام شعبوں میں عمدہ کارکردگی کا مظاہرہ کرنا ہوگا۔ پاکستان اور نیوزی لینڈ کی کرکٹ ٹیموں کے درمیان دو ٹیسٹ میچوں پر مشمتل سیریز کا پہلا ٹیسٹ 17 نومبر سے کرائسٹ چرچ میں شروع ہوگا۔ سرفراز احمد نے کہا کہ کیویز کو انکی سرزمین پر ہرانا کسی چیلنج سے کم نہیں تاہم ہم پوری تیاری کے ساتھ میدان میں اتریں گے۔ انہوں نے کہا کہ سیریز میں میزبان ٹیم کو ٹف ٹائم دیں گے۔

Short Link: https://urdu.app.com.pk/urdu/?p=29115