نیویارک میں پاکستانی قونصل خانہ کی جانب سے مقامی حکام، سفارت کاروں اور دوستوں کو آم پیش

نیویارک۔4ستمبر (اے پی پی):نیویارک میں پاکستان کے قونصلیٹ جنرل نے اپنے سالانہ مینگو ڈپلومیسی اقدام کے تحت پاکستان کے عالمی شہرت یافتہ آم مقامی حکام، سفارت کاروں اور پاکستان کے دوستوں کو پیش کئے۔قونصل خانے کی جانب سے جاری پریس ریلیز کے مطابق آم عالمی سطح پرپھلوں کے بادشاہ کے طور پر جانا جاتا ہے، پاکستانی آم ملک کے امیر زرعی ورثے اور مہمان نوازی کی دیرینہ روایت کی مثال پیش کرتے ہیں۔ قونصل خانہ کے مطابق اس اقدام کا گرمجوشی سے استقبال کیا گیا، جو دوستی اور خیر سگالی کے ایک میٹھے نشان کے طور پر کام کرتا ہے۔