ہری پور۔ 20 فروری (اے پی پی):وائس چانسلر پروفیسر ڈاکٹر شفیق الرحمن کی زیر صدارت یونیورسٹی آف ہری پور میں ایک اجلاس منعقد ہوا۔ اجلاس میں شعبہ جات کے سربراہان، ڈینز اور ڈائریکٹرز نے شرکت کی۔ اجلاس میں یونیورسٹی کی تعلیمی پیش رفت، جاری امتحانات، نگرانی کے طریقہ کار اور نتائج کے بروقت جمع کرانے پر توجہ مرکوز کی گئی۔ موجودہ صورتحال کا جائزہ لینے اور ہموار تعلیمی آپریشنز کو یقینی بنانے کیلئے بات چیت کی گئی۔
پروفیسر ڈاکٹر شفیق الرحمن نے تعلیمی فضیلت کو برقرار رکھنے اور یونیورسٹی کے امور کو بروقت انجام دینے کی اہمیت پر زور دیا۔ شرکاءنے اپنے اپنے محکموں کے بارے میں اپ ڈیٹس کا اشتراک کیا اور تعلیمی اور انتظامی عمل میں کارکردگی کو بڑھانے کیلئے حکمت عملیوں پر تبادلہ خیال کیا۔ یونیورسٹی آف ہری پور کے طلباءاور فیکلٹی کو یکساں طور پر ایک اچھی ساخت اور ہموار طریقہ سے کام کرنے والا تعلیمی ماحول فراہم کرنے کیلئے پرعزم ہے۔
