ملتان۔ 29 اپریل (اے پی پی):منیجنگ ڈائریکٹر واسا خالد رضا خان کی ہدایت پر سیوریج اور واٹر سپلائی بلوں کی ادائیگی نہ کرنے والے نادہندگان کیخلاف بلا امتیاز کریک ڈاؤن جاری ہے ۔ تمام ریکوری افسران کو سیوریج اور واٹر سپلائی ڈیفالٹرز کیخلاف بھرپور کریک ڈاؤن کرنے اور روزانہ کی بنیاد پر ڈسکنکشن مہم میں تیزی لانے کی ہدایت کی گئی ہے۔ گزشتہ روز کارکردگی کے جائزہ کے دوران تمام سرکل انچارجز نے نادہندگان سے وصولی بارے کارکردگی رپورٹ پیش کی۔ اس دوران تمام سرکل انچارجز سے روزانہ کی بنیاد پر ڈیفالٹرز کے اکاؤنٹس کی پراگریس ،جس میں واجبات کی وصولی
ڈسکنکشن سمیت دیگر ایشوز بارے تفصیلی تبادلہ خیال کیا گیا اور تمام کمرشل نادہندگان کے سیوریج،واٹر سپلائی کے کنکشن بلا امتیاز منقطع کرنے اور منقطع کیے جانے والے کنکشنوں کی سخت مانیٹرنگ کرنے کی ہدایت کی ۔ تمام سرکل انچارجز نے 40 لاکھ روپے سے زائد روپے کی وصولی ،156 کمرشل اور گھریلو نادہندگان کے کنکشن منقطع کرنے کی رپورٹ بھی پیش کی۔ اجلاس میں ڈپٹی ڈائریکٹرز ریکوری عبدالمجید، محمد ارشد، اسسٹنٹ ڈائریکٹر ز اور سرکل انچارجز شریک تھے۔ ڈائریکٹر ریکوری عبدالسلام نے رواں مہینے بھی زیادہ سے زیادہ ریکوری کرنے کی ہدایات جاری کیں۔
Short Link: https://urdu.app.com.pk/urdu/?p=589927
