اسلام آباد ۔ 21 مئی(اے پی پی)پاکستان سکوائش فیڈریشن کے زیر اہتمام ورلڈ جونیئر سکوائش چیمپین شپ کی تیاری کے لئے قومی کھلاڑیوں کا تربیتی کیمپ (کل) پیر سے مصحف علی سکوائش کمپلیکس اسلام آباد میںشروع ہوگا۔ پاکستان سکوائش فیڈریشن کے نائب صدر قمر زمان کے مطابق تربیتی کیمپ میں ٹرائلز میں منتحب شدہ6کھلاڑیوں کو مدعو کیا گیا ہے جس میں مہران جاوید، عباس زیب حارث اقبال، منصور زمان، ذیشان زیب اور عبدالمالک شامل ہیں اور انہیں تین کوچ فضل شاہ، فہیم گل اور آصف تربیت دیں گے۔
