لاہور۔28اگست (اے پی پی):ورلڈ فوٹوگرافی ڈے کی مناسبت سے الحمرا اوپن ایئر تھیٹر گیلری میں تصویری نمائش کا انعقاد کیا گیا، فوٹو گرافی ٹرپ میں 200سے زائد فوٹو گرافرز کی تصاویر کو آویزاں کیا گیا۔سیکرٹری سیاحت محمد آصف بلال لودھی، چیئرمین الحمرا قاسم علی شاہ،ایگزیکٹو ڈائریکٹر طارق محمود چوہدری نے نمائش کا افتتاح کیا۔
سیکرٹری سیاحت محمد آصف بلال لودھی نے تقریب سے اپنے خطاب میں کہا کہ فوٹو گرافر لمحات کو اپنے کیمرے میں اتار کر ہم تک پہنچاتا ہے۔ڈی جی والڈ سٹی کامران لاشاری نے کہا کہ الحمرا کو اس احسن اقدام پر مبارکباد پیش کرتے ہیں۔
ورلڈ فوٹوگرافی ڈے کے حوالے سے فوٹو گرافرز کو لاہور کے تاریخی مقامات کی سیر کروائی گئی، تہذیب و تمدن کو اجاگر کرتی سرگرمیاں الحمرا،ٹی ڈی سی پی، والڈ سٹی،پی ایچ اے اور محکمہ اوقاف کے مشترکہ تعاون سے پیش کی جا رہی ہیں۔
تقریب میں فوٹو گرافرز کی خدمات کو سراہا گیا۔ ڈپٹی ڈائریکٹر الحمرا کلچرل کمپلیکس نوید الحسن بخاری،لائزن آفیسر ماہ رخ نے نمائش کے انعقاد میں بھرپور کردار ادا کیا۔
Short Link: https://urdu.app.com.pk/urdu/?p=383618
