ورلڈ کپ میں مایوس کن کارکردگی، کرکٹ ساﺅتھ افریقہ نے ٹیم مینجمنٹ تحلیل کر دی، ہیڈکوچ اوٹس گبسن بھی عہدے سے فارغ

کیپ ٹاﺅن ۔ 5 اگست (اے پی پی) کرکٹ ساﺅتھ افریقہ نے ورلڈ کپ میں ٹیم کی مایوس کن کارکردگی کو پیش نظر رکھتے ہوئے پوری ٹیم مینجمنٹ کو تحلیل کرنے کے ساتھ ساتھ ہیڈکوچ اوٹس گبسن کو بھی عہدے سے فارغ کر دیا۔ حال ہی میں انگلینڈ میں منعقدہ آئی سی سی ون ڈے ورلڈ کپ میں جنوبی افریقن ٹیم کی کارکردگی انتہائی مایوس کن رہی تھی اور وہ 9 میں سے صرف 3 میچز جیت سکی تھی۔ کرکٹ ساﺅتھ افریقہ کی طرف سے جاری کردہ بیان کے مطابق ورلڈ کپ میں ٹیم کی بدترین کارکردگی کو پیش نظر رکھتے ہوئے پوری ٹیم مینجمنٹ کو تحلیل کرنے کے ساتھ ساتھ ہیڈکوچ اوٹس گبسن کو بھی ریلیز کر دیا گیا ہے۔