اسلام آباد۔21اگست (اے پی پی):وزیراعظم محمد شہبازشریف نے سیلاب متاثرین کے ریسکیو، ریلیف اوربحالی کی کوششوں کو مزید تیزکرنے کی ہدایت کی ہے، وزیراعظم محمد شہبازشریف نے یہ ہدایا ت آ رمی چیف جنرل قمر جاوید باجوہ اور چئیرمین این ڈی ایم اے لیفٹیننٹ جنرل اختر نواز سے ٹیلی فون پر گفتگو کے دوران جاری کیں اور سیلاب متاثرین کے ریسکیو اور ریلیف کے لئے پاک فوج کے تعاون اور جذبے کو سراہا۔
وزیر اعظم میڈیا آفس کے پریس ونگ سے اتوار کو جاری بیان کے مطابق وزیراعظم محمد شہباز شریف اور آرمی چیف نے ملک میں سیلاب متاثرین خاص طور پرصوبہ سندھ میں امداد اور بحالی کی کارروائیوں سے متعلق گفتگو کی۔ آرمی چیف نے پاک فوج کی جانب سے صوبہ سندھ میں امدادی کارروائیوں میں بھرپور تعاون سے متعلق آگاہ کیا۔
وزیراعظم محمد شہباز شریف نے صوبہ سندھ میں رابطہ سڑکوں اور پلوں کی تباہی کے باعث ہیلی کاپٹرز کی فراہمی کی ہدایت کی اور کہا کہ ہیلی کاپٹرز کے استعمال سے صوبہ سندھ اور بلوچستان میں زمینی رابطہ کٹنے کی وجہ سے ریسکیو اور ریلیف کی فراہمی میں آنے والی مشکلات کو دور کرنے میں مدد ملے گی۔ وزیراعظم نے سیلاب متاثرین کے ریسکیو اور ریلیف کے لئے پاک فوج کے تعاون اور جذبے کو سراہا۔
آرمی چیف نے وزیراعظم کو آگاہ کیا کہ کمانڈر سدرن کمانڈ کو بلوچستان میں امدادی کارروائیوں کے حوالے سے خصوصی ہدایات جاری کر دی گئی ہیں۔ وزیراعظم نے سندھ میں سیلاب متاثرین کو نقد رقوم کی فوری ادائیگی کے لئے بے نظیر انکم سپورٹ کو بھی ہدایت جاری کیں۔ چئیرمین این ڈی ایم اے نے وزیراعظم کو صوبہ سندھ میں بارشوں اور سیلاب کی تازہ ترین صورتحال سے آگاہ کیا۔
چئیرمین این ڈی ایم اے نے حکومت سندھ اور بلوچستان میں امدادی کارروائیوں میں بھرپور تعاون سے متعلق وزیراعظم کو آگاہ کیا۔ چئیرمین این ڈی ایم اے نے وزیراعظم کو ریسکیو اور ریلیف سے متعلق اقدامات پر بریف کیا۔ وزیر اعطم نے ہدایت کی کہ سیلاب متاثرین کے ریسکیو، ریلیف اوربحالی کی کوششوں کو مزید تیز کیاجائے۔\932
Short Link: https://urdu.app.com.pk/urdu/?p=323163
