وزیراعظم شہباز شریف سے مولانا اسعد محمود کی ملاقات، ملک میں حالیہ معاشی استحکام پر خراج تحسین پیش کیا

اسلام آباد۔9جولائی (اے پی پی):وزیراعظم محمد شہباز شریف سے سابق وفاقی وزیر اور جمیعت علماء اسلام (ف )کے سینئر رہنما مولانا اسعد محمودنے ملاقات کی۔ بدھ کووزیراعظم آفس کے میڈیا ونگ کی جانب سے جاری بیان کے مطابق ملاقات کے دوران مولانا اسعد محمود نے ملک میں حالیہ معاشی استحکام پر وزیراعظم کو خراج تحسین پیش کیا ۔ملاقات میں مجموعی سیاسی صورتحال پر بھی گفتگو کی گئی۔