اسلام آباد۔24اکتوبر (اے پی پی):وزیراعظم محمد شہباز شریف سعودی ولی عہد و وزیر اعظم شہزادہ محمد بن سلمان کی دعوت پر آج پیرسے سعودی عرب کا سرکاری دورہ کریں گے ۔ وزیراعظم میڈیا آفس سے جاری بیان کے مطابق وزیر اعظم محمد شہباز شریف آج سعودی عرب کے دارالحکومت ریاض روانہ ہوں گے ۔
ریاض میں قیام کے دوران وزیراعظم محمد شہباز شریف سعودی ولی عہد شہزادہ محمد بن سلمان سے ملاقات میں دونوں ممالک کے درمیان اقتصادی شعبے میں کثیر جہتی تعاون کو مزید مضبوط بنانے اور دیرینہ برادرانہ تعلقات میں مزید بہتری کے حوالے سے مشاورت کریں گے ۔وزیراعظم محمد شہباز شریف سعودی فیوچر انویسٹمنٹ انیشیٹو سمٹ میں بھی شرکت کریں گے۔
