اسلام آباد۔20مارچ (اے پی پی):وزیراعظم عمران خان نے اسلامی تعاون تنظیم(او آئی سی) کے 48ویں وزرائے خارجہ کونسل اجلاس میں شرکت کرنے والے وفود کا خیرمقدم کیا ہے ۔
اتوار کو اپنے ایک ٹویٹ میں وزیراعظم عمران خان نے کہا کہ میں او آئی سی رکن ممالک سے تشریف لانے والے وزرائے خارجہ و وفود ،مبصرین ،شراکتداروں اور عالمی تنظیموں کا اسلامی تعاون تنظیم کے وزرائے خارجہ کونسل کے 48ویں سیشن میں شرکت کرنے پر ان کا پرجوش خیرمقدم کرتا ہوں ۔
انہوں نے کہاکہ اتحاد ، عدل اور ترقی کے جامع عنوان کے تحت او آئی سی کی وزرائے خارجہ کونسل وسیع تر مشاورتی عمل سے گزرے گی۔ انہوں نے کہاکہ آپ کی موجودگی اہل پاکستان کے لئے اعزاز ہے۔
