اسلام آباد ۔ 13 جون (اے پی پی) وزیراعظم عمران خان نے کرغستان کے صدر سوروونبے شریپو ویچ سے شنگھائی تعاون تنظیم کے سربراہان مملکت کے اجلاس کے موقع پر ملاقات کی ہے۔ ملاقات کے دوران دونوں رہنماو¿ں نے دوطرفہ تعلقات کا جائزہ لیا اور مختلف شعبہ جات میں تعلقات کو جامع انداز میں مزید بہتر بنانے پر اتفاق کیا۔ دونوں رہنماو¿ں نے اتفاق کیا کہ پاکستان اور کرغستان کے درمیان زمینی اور فضائی روابط کو بہتر بنایا جائے۔ دونوں رہنماو¿ں نے مشترکہ وزارتی کمیشن کا اجلاس اور دوطرفہ سیاسی مشاورت جلد کرنے پر اتفاق کیا۔ ملاقات کے دوران اتفاق کیا گیا کہ دونوں ممالک کے درمیان عوامی سطح پر رابطوں کو بہتر بنایا جائے، سیاحت کو فروغ دیا جائے اور ویزوں کے اجراءمیں سہولت دی جائے۔ دونوں رہنماو¿ں میں ملاقات انتہائی خوشگوار ماحول میں ہوئی۔ وزیراعظم عمران خان نے صدر سوروونبے شریپو ویچ کو شنگھائی تعاون تنظیم کے سربراہی اجلاس کے کامیاب انعقاد پر مبارکباد دی۔ وزیر اعظم عمران خان نے کرغستان کے صدر کو پاکستان کے دورے کی دعوت بھی دی۔
