- Advertisement -
لندن ۔3مئی (اے پی پی):وزیرِ اعظم محمد شہباز شریف دورہ برطانیہ پر لندن پہنچ گئے۔ لندن پہنچنے پر برطانیہ میں پاکستان کے ہائی کمشنر معظم احمد خان اور برطانیہ کے وزیرِ خارجہ کے خصوصی نمائندے ڈیوڈ جارڈن میکلیوڈ نے وزیرِ اعظم کا استقبال کیا۔
وزیرِ اعظم اپنے دورے کے دوران بادشاہ برطانیہ چارلس سوئم کی رسم تاجپوشی میں شرکت کریں گے۔ اسکے علاوہ وزیرِ اعظم دولتِ مشترکہ کے رکن ممالک کے سربراہان کے اجلاس میں شرکت کریں گے۔
- Advertisement -
وزیرِ اعظم بادشاہ چارلس سوئم کی جانب سے تاجپوشی کی تقریب میں شرکت کیلئے آئے سربراہانِ ممالک کی دعوت میں شرکت کریں گے جہاں وزیرِ اعظم کی دو طرفہ ملاقاتیں بھی متوقع ہیں۔ وزیرِ اعظم دورے کے دوران لندن میں میاں محمد نواز شریف سے ملاقات بھی کریں گے۔
Short Link: https://urdu.app.com.pk/urdu/?p=361912
- Advertisement -
