وزیراعظم محمد شہباز شریف سے عوامی نیشنل پارٹی کے سربراہ سینیٹر ایمل ولی خان کی ملاقات ، انہیں کل جماعتی کانفرنس میں شرکت کی دعوت دی

اسلام آباد۔14اگست (اے پی پی):وزیراعظم محمد شہباز شریف سے عوامی نیشنل پارٹی کے سربراہ سینیٹر ایمل ولی خان نے ملاقات کی اور انہیں کل جماعتی کانفرنس میں شرکت کی دعوت دی۔

جمعرات کو پی ایم آفس کے میڈیا ونگ سے جاری بیان کے مطابق سینیٹر ایمل ولی خان نے وزیر اعظم کو اے این پی کی جانب سے منعقدہ آل پارٹیز کانفرنس میں شرکت کی دعوت دی جس پر وزیر اعظم نے اے پی سی میں پاکستان مسلم لیگ ن کی جانب سے نمائندگی کے لیے کمیٹی تشکیل دینے کی ہدایت کی۔

سینیٹر ایمل ولی خان نے یوم آزادی کے موقع پر وزیراعظم کو مبارکباد دی۔ملاقات میں ملکی مجموعی سیاسی صورتحال پر گفتگو کی گئی۔ وزیر اعظم کے مشیر رانا ثنا اللہ اور معاون خصوصی طلحہ برکی بھی ملاقات میں شریک تھے