وزیراعظم محمد شہباز شریف کا ایران کے شہر بندر عباس میں شہید رجائی پورٹ میں دھماکے کے نتیجے میں نقصانات پر گہرے افسوس کا اظہار

لاہور ۔26اپریل (اے پی پی):وزیراعظم محمد شہباز شریف نے ایران کے شہر بندر عباس میں شہید رجائی پورٹ میں دھماکے کے نتیجے میں نقصانات پر گہرے افسوس کا اظہار کیاہے۔ہفتہ کو وزیر اعظم آفس کے میڈیا ونگ سے جاری بیان کے مطابق وزیراعظم نے دھماکے کے حوالے سے ایرانی حکومت اور ایرانی عوام سے افسوس کا اظہار کیاہے۔

وزیراعظم نے دھماکے کے نتیجے میں زخمی ہونے والوں کی جلد صحت یابی کی دعاء کرتے ہوئے کہا کہ دکھ اور غم کی اس گھڑی میں ہم ایرانی حکومت اور عوام کے ساتھ کھڑے ہیں۔

Short Link: https://urdu.app.com.pk/urdu/?p=588281