وزیراعظم محمد نواز شریف نے تہمینہ جنجوعہ کو سیکرٹری خارجہ مقرر کر دیا
وہ مارچ کے پہلے ہفتہ میں اپنی ذمہ داریاں سنبھالیں گی
اسلام آباد ۔ 13 فروری (اے پی پی) وزیراعظم محمد نواز شریف نے اقوام متحدہ میں پاکستان کی سفیر تہمینہ جنجوعہ کو سیکرٹری خارجہ مقرر کر دیا ہے۔ دفتر خارجہ کے ترجمان کی جانب سے جاری بیان کے مطابق نامزد سیکرٹری خارجہ تہمینہ جنجوعہ مارچ کے پہلے ہفتہ میں اپنی ذمہ داریاں سنبھالیں گی۔ تہمینہ جنجوعہ ایک سینئر اور تجربہ کار سفارتکار ہیں، ان کا سفارتکاری میں 32 سال کا تجربہ ہے۔ انہوں نے قائداعظم یونیورسٹی اور کولمبیا یونیورسٹی امریکہ سے 2 ماسٹرز ڈگریاں حاصل کی ہیں۔ 2011ءمیں وزارت خارجہ کی ترجمان کی ذمہ داریاں انجام دینے کے ساتھ ساتھ دسمبر 2011ءسے اکتوبر 2015ءتک اٹلی میں سفیر رہیں اور اکتوبر 2015ءسے اقوام متحدہ میں پاکستان کی مستقبل مندوب کی ذمہ داریاں سرانجام دے رہی ہیں۔
Short Link: https://urdu.app.com.pk/urdu/?p=42164
