وزیراعظم محمد نواز شریف کی وزارت پانی و بجلی کو رمضان المبارک کے دوران سحر و افطار کے اوقات میں لوڈ شیڈنگ نہ کرنے کی ہدایت

اسلام آباد ۔ 6 جون(اے پی پی) وزیراعظم محمد نواز شریف نے وزارت پانی و بجلی کو رمضان المبارک کے دوران سحر و افطار کے اوقات میں لوڈ شیڈنگ نہ کرنے کی ہدایت کی ہے۔ ایوان وزیراعظم کی طرف سے جاری بیان کے مطابق وزیراعظم نے ہدایت کی ہے کہ عوام کو سحر و افطار میں بلاتعطل بجلی فراہم کی جائے۔ انہوں نے کہا کہ سحر و افطار میں شہروں اور دیہات میں یکساں طور پر بجلی فراہم کی جائے۔ وزیراعظم نے یہ بھی ہدایت کی کہ وزیراعظم آفس لوڈ شیڈنگ کے اوقات سختی سے مانیٹر کرے۔