اسلام آباد۔23دسمبر (اے پی پی):بلوچستان سے آئے ہوئے مظاہرین سے مذاکرات کے لئے نگران وزیر اعظم انوارالحق کاکڑ کی قائم کردہ کمیٹی کے ارکان وفاقی وزراءفواد حسن فواد اور مرتضیٰ سولنگی نے گورنر بلوچستان عبدالولی کاکڑ کے ہمراہ ہفتہ کو بلوچستان سے آئے ہوئے مظاہرین سے مذاکرات کئے۔
دونوں اطراف سے بہت اچھے ماحول میں گفتگو ہوئی، دونوں اطراف نے مذاکرات جاری رکھنے پر اتفاق کیا۔ دونوں اطراف نے کل دوبارہ مذاکرات پر آمادگی کا اظہار کیا۔
