اسلام آباد ۔ 02 نومبر (اے پی پی) وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ مولانا صاحب عوام اب مکمل طور پر بیدار ہوچکے ہیں، ماضی میں وہ کرپٹ سیاستدانوں کے کرتوت دیکھ چکے ہیں،آپ ہمیشہ اپنے ذاتی مفادات کے لیے ان کرپٹ حکمرانوں کو تحفظ دیتے رہے ہیں، قوم اب کسی صورت مولانا کو مذہب کارڈ استعمال نہیں کرنے دے گی، دینی مدارس کے معصوم طلباء کو سڑکوں پر لاکر انتشار کی دھمکیاں دے رہے ہیں، مولانا دارالحکومت میں کھڑے ہوکر قومی اداروں پر زبان درازی کررہے ہیں۔ ہفتہ کو اپنے ایک ٹویٹ میں ڈاکٹر فردوس عاشق اعوان نے کہا کہ مولانا صاحب عوام اب مکمل طور پر بیدار ہوچکے ہیں ،ماضی میں وہ کرپٹ سیاستدانوں کے کرتوت دیکھ چکے ہیں،آپ ہمیشہ اپنے ذاتی مفادات کے لیے ان کرپٹ حکمرانوں کو تحفظ دیتے رہے ہیں، قوم اب کسی صورت مولانا کو مذہب کارڈ استعمال نہیں کرنے دے گی، دینی مدارس کے معصوم طلباء کو سڑکوں پر لاکر انتشار کی دھمکیاں دے رہے ہیں، مولانا دارالحکومت میں کھڑے ہوکر قومی اداروں پر پر زبان درازی کررہے ہیں۔ مولانا صاحب قومی اداروں پر تو دشمن حملہ آور ہوتے ہیں آپ کا کیا ایجنڈاہے؟ معاون خصوصی اطلاعات و نشریات نے کہا کہ سیاسی بونے ایک ایک کرکے محض اس لیے اچھل کود میں مصروف ہیں کہ خود کو احتسابی شکنجے سے بچا لیں۔ انہوں نے کہا کہ انہیں فقط ذاتی مفادات عزیز ہیں، ملک و قوم اور عوام کا نہ تو انہیں پہلے خیال تھا نہ اب ہے اور نہ ہی یہ کبھی ملکی مفاد کا سوچ سکتے ہیں۔ ڈاکٹر فردوس عاشق اعوان نے کہا کہ وزیراعظم عمران خان نہ تو ان کے ساتھ ڈیل کرنے کو تیار ہیں اور نہ ہی انہیں ڈھیل دینے کو۔
