اسلام آباد ۔ 31 جنوری (اے پی پی) وزیراعظم کے معاون خصوصی برائے امور نوجوانان محمد عثمان ڈارسے آن لائن نوکری تلاش کرنے والے پلیٹ فارم روزی ڈاٹ پی کے (Roze.pk) کے بانی محسن رحمان کی ملاقات کی جس میں قومی ملازمت کے پروگرام کے لئے موثر حکمت عملی پر تبادلہ خیال کیا گیا تا کہ ملازمتوں کے پیدا ہونے والے مواقع نوجوانوں تک باآسانی پہنچ سکیں ۔وزیراعظم کے معاون خصوصی برائے امور نوجوانان محمد عثمان ڈار نے ماہانہ 30ہزار نوکری کے متلاشی نوجوانوں کو اس پلیٹ فارم سے نوکریاں فراہم کرنے کی کوششوں کو سراہا ۔انہوں نے امید ظاہر کی کہ قومی ملازمت پروگرام کے لئے یوزر دوست آن لائن پلیٹ فارم کی تیاری میں ان کے تجربے سے استفادہ حاصل کیا جاسکے گا ۔
