کو ئٹہ۔14اگست (اے پی پی )صوبائی دارالحکومت کوئٹہ سمیت بلوچستان بھر میں 70ویں یوم آزادی جوش وخروش اور جذبے کے ساتھ منائی گئی،دن کا آغاز 21توپوں کی سلامی سے ہوئی مساجد میں کوئٹہ خودکش دھماکوں میں شہید ہونے والوں کے لیے خصوصی دعائیں اور قران خوانی سے ہوئی تمام ضلعی ہیڈ کوارٹروں میں پرچم کشائی کی تقریب منعقد ہوئی، کوئٹہ میں پرچم کشائی کی بڑی تقریب بلوچستان اسمبلی کی سبزوار پر منعقد ہوئی ۔ تقریب میں وزیراعلیٰ بلو چستان نواب ثناءاللہ خان زہری ،کمانڈر سدرن کمانڈ لیفٹنٹ جنرل عامر ریاض ،سپیکر بلوچستان اسمبلی راحیلہ حمید خان درانی ،صوبائی وزرائ،اراکین قومی اور صوبائی اسمبلی ،آئی جی ایف سی میجر جنرل ندیم انجم،آئی جی پولیس بلوچستان احسن محبوب سمیت اعلیٰ حکام موجود تھے ، وزیراعلیٰ بلوچستان نواب ثناءاللہ خان نے بلوچستان اسمبلی کے سبزوار پر قومی پرچم لہرایا اس موقع پر سکول کے طلباءوطالبات نے قومی ترانہ پیش کیا،تقریب سے خطاب کرتے ہوئے وزیراعلیٰ بلوچستان نواب ثناءاللہ خان زہری نے کہا کہ ہمار اعزم ہے کہ مملکت خداداد کے دفاع اورآزادی پر کوئی آنچ نہیں آنے دینگے ۔انہوں نے کہا کہ انتہاپسندی اور دہشت گردی کے خاتمے کے لیے سیاسی اور عسکری قیادت ایک پیج پر ہے ،ترقی کے عمل میں سب کو ساتھ لے کرچلنا ہے ،وزیراعلیٰ بلوچستان کا کہناتھاکہ سابق وزیراعظم محمد نوازشریف نے بلوچستان کی ترقی میں خصوصی دلچسپی لی۔انہوں نے کہا کہ ہم نے جب سے اقتدار سنبھالا ہے، صوبے میں بہت سے ترقیاتی کاموں کا آغاز کیا ہے ،بلوچستان کو ترقی کی راہ پر گامز ن کرینگے ۔
Short Link: https://urdu.app.com.pk/urdu/?p=66078
