کوئٹہ۔ 19 اگست (اے پی پی):وزیراعلی بلوچستان میر سرفراز بگٹی نے قلعہ عبداللہ میں سیلابی ریلے میں پھنسی فیملی کو فوری ریسکیو کرنے پر ایکسکیویٹر ڈرائیور کو شاباش و نقد انعام کا اعلان کیا ۔ وزیر اعلی بلو چستان کا کہنا تھا کہ ڈرائیور نے بہادری و جرأت کا مظاہرہ کرتے ہوئے خاتون اور بچوں کی زندگی بچاکر خدمت خلق کی عمدہ مثال قائم کی ۔
انہوں نے کہا کہ معاشرے کی بے لوث خدمت کرنے والے ہی ہمارے حقیقی ہیرو ہیں ۔ وزیر اعلی بلوچستان میر سرفراز بگٹی کی جانب سے ریسکیو کرنے والے ایکسکیویٹر ڈرائیور کو تعریفی سرٹیفکیٹ اور نقد انعام کا اعلان بھی کیا ۔
