وزیراعلیٰ پنجاب مریم نواز کی بھارت سے واپس مریضوں کے مفت علاج کی ہدایت

لاہور۔5مئی (اے پی پی):وزیراعلیٰ پنجاب مریم نواز شریف نے بھارت سے واپس آنے والے مریضوں کے مفت علاج کی ہدایت کی ہے۔حالیہ کشیدگی کے بعد بھارت سے پاکستانی مریضوں کو علاج ادھورا چھوڑ کر واپس بھیج دیا گیا تھا۔ٹرانسپلانٹ اور دیگر امراض میں مبتلا مریضوں کا پنجاب میں علاج یقینی بنانے کا فیصلہ کیا گیا ہے۔

وزیراعلیٰ مریم نواز نے بھارت سے ادھورے علاج کے ساتھ آنے والے مریضوں کے مفت علاج کا بھی حکم دیا۔وزیراعلیٰ نے کہا کہ بھارت سے آنے والے مریضوں کو تنہا نہیں چھوڑیں گے،وزیراعلیٰ نے محکمہ صحت کے حکام کو ہدایات جاری کردی ہیں۔

Short Link: https://urdu.app.com.pk/urdu/?p=592987