لاہور ۔ 14 جون (اے پی پی) وزیراعلیٰ پنجاب سردار عثمان بزدار نے معروف اداکارہ صبیحہ خانم کے انتقال پر گہرے دکھ اورافسوس کا اظہار کیا ہے۔ اپنے ایک تعزیتی پیغام میں انہوں نے صبیحہ خانم کے لواحقین سے دلی ہمدردی و اظہار تعزیت کرتے ہو ئے کہا ہے کہ صبیحہ خانم نے اپنی اداکاری کے انمٹ نقوش چھوڑے ہیں۔ وزیر اعلی عثمان بزدار نے کہا کہ صبیحہ خانم کے پرستار آج بھی انکی یادگار فلمیں فراموش نہیں کرسکے، ان کے انتقال سے ماضی کے سنہری فلمی دور کا ایک خوبصورت باب بند ہوگیا ہے، صبیحہ خانم کی فن کے شعبے کے لئے خدمات کو تادیر یاد رکھا جائے گا۔
