وزیراعلی مریم نواز کی زیر صدارت گندم کی کٹائی سے قبل جائزہ اجلاس

لاہور۔7اپریل (اے پی پی):وزیراعلی پنجاب مریم نواز کی زیر صدارت گندم کی کٹائی سے قبل صورتحال کا جائزہ اجلاس منعقد ہوا۔اجلاس میں گندم کی ریکارڈ پیداوار پر پنجاب کے کسان کو شاباش اور زبردست خراج تحسین پیش کیا گیا۔اجلاس میں اس امر پر اطمینان کا اظہار کیا گیا کہ گندم کے کاشتکاروں کو حکومت پنجاب کی طرف سے ایک ہزار ٹریکٹر مفت دیئے گئے۔

اجلاس میں صوبے بھر میں گندم کی آزادانہ نقل و حمل کی اجازت دے دی گئی اور پرائیویٹ سیکٹر کے ذریعے گندم کی خریداری، فری مارکیٹ اور ڈی ریگولیشن کی پالیسی جاری رکھنے کا فیصلہ کیا گیا ہے۔وزیراعلی مریم نواز نے کہا کہ کسان ہمارے بھائی ہیں،مفاد کا ہر صورت تحفظ کیا جائے گا۔

Short Link: https://urdu.app.com.pk/urdu/?p=579175