لاہور۔26مارچ (اے پی پی):وزیراعلی پنجاب مریم نواز نے خواتین،بچوں اورکمزور طبقات کیلئے قابل تحسین اور منفرد اقدام اٹھایا ہے۔ وزیراعلی کی ہدایت پر صوبہ بھر کے نمایاں بازاروں میں خواتین کے تحفظ کے لئے ویمن پولیس سکواڈقائم، گشت شروع کر دیا ۔ وزیراعلی مریم نواز کے حکم پربازاروں میں رش کے اوقات میں خواتین اوربچوں کے تحفظ کیلئے خصوصی ویمن پولیس سکواڈ گشت کریں گی، ویمن پولیس سکواڈ کی پیدل، سائیکل اورموٹر سائیکل سوار ٹیمیں بازاروں اورمارکیٹوں میں گشت کریں گی۔
ویمن پولیس سکواڈبازا روں اورمارکیٹوں میں شاپنگ کیلئے آنے والی خواتین کو ہراساں کرنے کے واقعات کی روک تھام اور سماج دشمن عناصر کی سرگرمیوں کی نگرانی کرے گا۔ ویمن پولیس سکواڈ شاپنگ کیلئے آنے والی خواتین،بچیوں کو پریشان کرنے کے واقعات کا سدباب بھی کرے گا، بازاروں میں عید کے رش کے باعث خواتین سے موبائل،پریس چھیننے اورڈکیتی وغیرہ کے واقعات کو روکنے میں مدد ملے گی۔ ویمن پولیس کے پیدل سکواڈ بھی بازاروں اور مارکیٹوں میں نگرانی کے فرائض سرانجام دیں گے۔
لاہور، راولپنڈی، سیالکوٹ، فیصل آباد، گوجرانوالہ، چینیوٹ، بورے والا، وہاڑی، خانیوال اور دیگر شہروں میں ویمن پولیس سکواڈ کا بڑے تجارتی مراکز میں گشت شروع ہوگیا۔ لاہور میں ڈولفن پولیس کا خصوصی سکواڈ بھی مارکیٹوں اوربازاروں میں خواتین بچوں کے تحفظ اورمعاونت کیلئے تعینات کر دیا گیا ہے۔ڈولفن کا کوئیک رسپانس سائیکل سکواڈ لاہور کے65 بڑے تجارتی مراکز پر تعینات کیا گیا ہے۔
لاہور کے ڈی ایچ اے رایا، وائی لاگ،اچھرہ،ا نار کلی اور لبرٹی مارکیٹ میں سائیکل سکواڈ پٹرولنگ کر رہا ہے۔ کوئیک رسپانس سائیکل کے ساتھ ڈولفن بائی سکواڈ اور پی آر یو بھی موجود ہوگا۔ لاہور بھر میں 4ہزارزائد پولیس اہلکار سپیشل سکواڈ ڈیوٹی پر مامور ہوگا۔ ڈولفن پولیس کا فرینڈلی یونٹ افطار کے بعد مارکٹیں بند ہونے تک گشت کرے گا۔ بائی سائیکل پر مشتمل ڈولفن فورس سکواڈمعروف گلیوں، بازاروں،مارکیٹوں اورگنجان علاقوں میں گشت کرے گا۔
اوکاڑہ میں پہلا ویمن پولیس سکواڈ پوری طرح متحرک کردیا گیا۔ پیدل،سائیکل اورموٹر سائیکل سوارپولیس کانسٹیبل نے معروف اورگنجان بازاروں میں گشت شروع کردیا۔ وزیراعلی مریم نواز کا کہنا ہے کہ خواتین اور بچوں کا تحفظ حکومت ہی نہیں پوری سوسائٹی کی ذمہ داری ہے۔
بازاروں اور گلیوں میں خواتین کا تحفظ ہر صورت یقینی بنایا جائے گا۔خواتین نے وزیراعلی کومارکیٹوں میں پہلی مرتبہ خواتین کے تحفظ کیلئے باقاعدہ ویمن پولیس سکواڈ کا قیام کو مستحسن اقدام قرار دیاہے۔خواتین کے ساتھ ساتھ ہراسمنٹ کے واقعات کے بارے میں خواتین پولیس اہلکاروں کو آگاہ کرنا آسان ہے۔خواتین نے کہا کہ ویمن پولیس سکواڈ کے قیام کے بعد شاپنگ کے دوران خود کو زیادہ محفوظ اورمطمئن تصورکرتے ہیں۔
Short Link: https://urdu.app.com.pk/urdu/?p=576516
