لاہور۔28مارچ (اے پی پی):وزیراعلی پنجاب مریم نواز نے ایڈز کے رسک پر موجود پاپولیشن کے بچا وکیلئے موثر اور ٹھوس اقدامات کا حکم دیا ہے۔ وزیراعلی کی زیر صدارت خصوصی اجلاس منعقد ہوا جس میں تحصیل تونسہ کے علاقے میں مبینہ طورپر ایڈز پھیلنے کے اسباب کا جائزہ لیا گیا۔ انہوں نے تحصیل تونسہ میں ایڈزکے سدباب کیلئے آپریشنل پلان طلب کرلیا۔وزیراعلی نے ایڈز کے پھیلاو کے اسباب اور ذمہ داروں کا تعین کرنے کی ہدایت کی۔
اجلاس میں یونیسف،ڈبلیو ایچ اواورمحکمہ ہیلتھ پنجاب کا جوائنٹ مشن قائم کرنے کا فیصلہ کیا گیا۔ ایڈز کے سدباب کیلئے جوائنٹ مشن7تا14اپریل متاثرہ بچوں کی ہسٹری ٹریسنگ کرے گا۔ جوائنٹ مشن ایڈزکنٹر ول اوربچاو کیلئے وزیراعلی کو تجاویز پیش کرے گا۔
متاثرہ علاقوں میں ہاوس ہولڈ سکریننگ بھی کی جائے گی۔ وزیراعلی کی ہدایت پر تونسہ تحصیل ہیڈکوارٹر ہسپتال اوردیگر طبی مراکز میں ایڈ ز کے علاج کیلئے خصوصی مراکز قائم کر دیئے گئے۔ وزیراعلی نے کہا کہ ایڈز سے متاثرہ بچوں کے علاج میں کوئی کمی یا کوتاہی برادشت نہیں کی جائے گی۔
Short Link: https://urdu.app.com.pk/urdu/?p=577056
